Monthly Archives

september 2012

Guðný Aradóttir afhenti afrakstur Þingvallagöngu

Eftir | Fréttir

Guðný Aradóttir félagi í Göngum saman og göngustjóri félagsins frá upphafi, afhenti í dag 800.000 kr í styrktarsjóð félagsins en um var að ræða afrakstur Þingvallagöngunnar sem farin var aðfaranótt 16. júní s.l. að frumkvæði Guðnýjar.

Félagið þakkar Guðnýju innilega fyrir þennan höfðinglega styrk og einnig öllum þeim sem tóku þátt í Þingvallagöngunni með henni.

Krónan styrkir Göngum saman með margnota innkaupapokum!

Eftir | Fréttir

Krónu verslanirnar hafa hafið sölu á margnota innkaupapokum til styrktar Göngum saman. Hver poki kostar 189 kr.

Við hvetjum félaga og alla þá sem vilja styrkja grunnrannsóknir á brjóstakrabbameini að kaupa pokann og vera umhverfisvæn í leiðinni.

Sjá auglýsingu hér: poki-gongum_saman.pdf

Vel heppnað málþing!

Eftir | Fréttir

Afmælismálþing Göngum saman sem haldið var í dag var einstaklega vel heppnað.

Frábærir fyrirlestrar, flott fundarstjórn, fallegur og vandaður tónlistarflutningur, fjölmenni í fallegum Hátíðasal Háskóla Íslands, góðar veitingar.

Fyrirlesarar og allir þeir sem komu að undirbúningi málþingsins á einn eða annan fá innilegar þakkir fyrir.

sjá úr fréttum RÚV http://www.ruv.is/frett/aukinn-skilningur-a-brjostakrabbameini

Myndir frá malþinginu munu birtast fljótlega.

,

Afmælismálþingið á morgun 13. september

Eftir | Fréttir

Minnum á afmælismálþingið á morgun
Í tilefni af 5 ára afmæli styrktarfélagsins Göngum saman efnir félagið til málþings um mikilvægi grunnrannsókna á brjóstakrabbameini. Málþingið verður haldið í Hátíðasal Háskóla Íslands fimmtudaginn 13. september nk kl. 15-18. Það er öllum opið og aðgangur ókeypis. Salurinn opnar kl. 14.45 og gefst gestum kostur á að hlýða á ljúfa tóna áður en dagskrá hefst. Gildi íslenskra rannsókna á brjóstakrabbameini
Dagskrá
 
15:00   Setning, Gunnhildur Óskarsdóttir, formaður Göngum saman15:05   Ávarp, Katrín Jakobsdóttir, mennta- og menningarmálaráðherra15:15   Does research in breast cancer matter for the general public?
            Norman Freshney, forstöðumaður rannsókna hjá Breakthrough Breast Cancer í Bretlandi
 
15:45   Hverju hafa rannsóknir á brjóstakrabbameini á Íslandi skilað?
            Helga Ögmundsdóttir, prófessor við Háskóla Íslands
 
16:05   Tónlistaratriði, Karlakórinn Fóstbræður
 
16:15   Grunnrannsóknir, forsenda framfara í lækningum, Friðbjörn Sigurðsson læknir
 
16:30   Hverju getur samtakamáttur hugsjónafólks og vísindamanna áorkað? Kristín Ingólfsdóttir, rektor Háskóla Íslands
 
16:45   Göngum saman brjóstanna vegna, forsýning á fræðslumynd Göngum saman17:15   Málþingsslit
 
Fundarstjóri: Þórólfur Árnason
 
 Erindi Norman Freshney er flutt á ensku en önnur dagskrá fer fram á íslensku
 
 Að loknu málþingi er boðið upp á léttar veitingar

Við vonumst til að sjá ykkur sem allra flest og hvetjið aðra til að koma líka.

Frábær árangur í Reykjavíkurmaraþoni.

Eftir | Fréttir

Göngum saman fékk 1.017.065 kr. í áheit og var í 10. sæti af 130 góðgerðafélögum en þetta kom fram í áheitaskýrslunni sem afhent var í Íslandsbanka í dag. Frábær árangur og við þökkum enn og aftur öllum þátttakendum og þeim sem hétu á þá.

Golden Wings styrkir Göngum saman aftur!

Eftir | Fréttir

Laugardaginn 11. ágúst s.l. stóðu kjarnorkukonurnar í Golden Wings fyrir göngu á hálendinu til styrkar Göngum saman. Alls tóku 114 manns þátt í göngunni  en hópurinn samanstóð af starfsfólki Icelandair Group og fjölskyldum þeirra. Gangan hófst í Emstrum og var gengið í Húsadal í Þórsmörk. Vegalengdin var um 15 km og göngutíminn var ca. 5-7 klst.

þetta var í fimmta sinn sem Golden Wings skipuleggur slíka göngu á Íslandi. Í ár, eins og í fyrra, var ákveðið að styrkja Göngum saman.

Flugfélag Íslands keypti höfuðbuff með merki Göngum saman handa göngugörpunum sem kostuðu 255.000.- krónur og auk þess sem  582.776. kr söfnuðust vegna göngunnar.  

Samtals eru það því 837.776. kr sem Golden Wings gangan færir Göngum saman í ár.

Félagið þakkar innilega fyrir þennan ómetanlega stuðning.

Saga Golden Wings er jafngömul Göngum saman því upphaf beggja félaganna má rekja til Avon göngunnar í New York haustið 2007 er upphafskonur þessara beggja hópa tóku þátt í 63 km göngu um Manhattan til styrktar rannsóknum og meðferðarúrræðum við brjóstakrabbameini.