Monthly Archives

september 2008

Te og Kaffi kveður Kittý og styrkir Göngum saman

Eftir | Fréttir

Samstarfsfólk Kristbjargar Marteinsdóttur hjá Te og Kaffi komu henni á óvart í morgun er þau héldu henni kveðjuhóf en hún fer ásamt hópi kvenna til New York á fimmtudaginn til að taka þátt í Avon göngunni. Af þessu tilefni keypti starfsfólkið sér öll Göngum saman boli og eins og sjá má á myndinni voru þau bara flott:-)

Te og Kaffi ákváðu að styrkja Göngum saman með sömu upphæð og starfsfólkið borgaði fyrir bolina. Við þökkum bæði starfsfókinu og fyrirtækinu þennan frábæra stuðning um leið og við óskum Kittý og öllu samferðarfólki hennar góðrar ferðar og velfarnaðar í New York.

 

Fjölmenni í Öskjuhlíðinni í kvöld

Eftir | Fréttir

Það gengu 64 konur með Göngum saman í Öskjuhlíðinni í kvöld undir forystu Guðnýjar Aradóttur stafgönguþjálfara. Eftir um klukkustundar göngu sá Guðný líka til þess að við teygðum vel í lokin 🙂

Það verður gengið frá Perlunni að viku liðinni – á mánudagskvöldið kl. 20 og allir velkomnir, konur og karlar.

Stemning og gaman í styrktargöngunum

Eftir | Fréttir

Yfir 1000 manns gengu saman á þremur stöðum á landinu til styrktar rannsóknum á brjóstakrabbameini í gær, sunnudag. Það var mikil og góð stemming á öllum stöðunum og fólk lét veðrið ekki trufla sig. Við þökkum öllum þeim fjölmörgu sem styrktu félagið með því að ganga. Einnig þökkum við öllum sjálfboðaliðunum sem gerðu þetta mögulegt með vinnu sinni svo og þeim fjölmörgu aðilum sem studdu félagið við framkvæmdina.

Hanski í óskilum

Eftir | Fréttir

Grár og svartur hægri handar hanski fannst í Elliðaárdal eftir gönguna í gær. Inni í honum er svartur plastpoki og er ekki ólíklegt að hann tilheyri hundeiganda. Upplýsingar hjá Margréti í síma 699 3253.

Ísafjörður bæst í hópinn! Líka gengið þar á morgun.

Eftir | Fréttir

Styrktarganga Göngum saman verður á Ísafirði næstkomandi sunnudag, 7.
september.
Gengið verður frá Bónusplaninu kl. 14. Þátttökugjald er 3000 kr. sem rennur
beint til rannsókna á brjóstakrabbameini. Frítt er fyrir börn, 12 ára og
yngri. Boðið verður upp á hressingu að göngu lokinni. Það eru
Krabbameinsfélagið Sigurvon og Heilsuefling í Ísafjarðarbæ sem standa fyrir
göngunni hér á Ísafirði.
Íbúar á Ísafirði og nágrenni eru hvattir til að mæta og ganga saman í
skemmtilegum félagsskap og stykja um leið rannasóknir á brjóstakrabbameini.

Johan Rönning styrkir Göngum saman

Eftir | Fréttir

Fyrirtækið Johan Rönning hefur ákveðið að veita Göngum saman eina milljón króna í styrktasjóðinn félagsins í tilefni af 75 ára afmæli fyrirtækisins.

Göngum saman þakkar höfðinglega gjöf.

Ungar stúlkur styrkja Göngum saman

Eftir | Fréttir

Hólmfríður Hafliðadóttir 9 ára og vinkonur hennar í Laugarneshverfinu voru með tombólu öðru sinni til styrktar Göngum saman, nú á markaðinum í Laugarnesi s.l. sunnudag. Einnig seldu þær armbönd fyrir félagið. Alls söfnuðu þær 13.100 krónum. Stelpurnar eiga heiður skilinn fyrir þetta frábæra framtak.