Monthly Archives

október 2013

Kvenfélagið Keðjan veitti Göngum saman höfðinglegan styrk

Eftir | Fréttir

Kvenfélagið Keðjan veitti Göngum saman 100 þúsund krónur í styktarsjóð félagsins.  

Kvenfélagið Keðjan var stofnað árið 1928 af eiginkonum vélstjóra.

 

Gunnhildur Óskarsdóttir formaður Göngum saman veitti styrknum viðtöku á fundi félagsins 21. október s.l.

Göngum saman færir Keðju konum innilegar þakkir fyrir höfðinglegan styrk.

Lopabrjóstin hlaðast inn, sjón er sögu ríkari

Eftir | Fréttir

Fjórða og síðasta prjónakaffið á vegum Göngum saman og Fjallaverksmiðju Íslands var í dag í Hannesarholti. Um fimmtíu konur komu og prjónuðu lopabrjóstahúfur, settu fóður inn í húfurnar, spjölluðu, fengu sér veitingar í Borðstofunni í Hannesarholti og nutu samveru. Alls hafa um hundrað konur prjónað um 250 húfur sem seldar verða á sérstakri húfu uppskeruhátíð í Hannesarholti, Grundarstíg 10, Reykjavík, laugardaginn 9. nóvember k. 15 – 17. Göngum saman þakkar prjónakonunum fyrir einstaka samveru og framlag, Ístex fyrir allan lopann, Hannesarholti fyrir að bjóða okkur velkomin í þetta fallega hús.  Kristín Helga og Fjallaverksmiðja Íslands fá stórt TAKK fyrir frábært samstarf og frumkvæðið að þessu skemmtilega og gefandi verkefni. Hver einasta króna fyrir þetta verkefni fer beint í styrktarsjóðinn og eru félagar og velunnarar hvattir til að mæta í Hannesarholt þann 9. nóvember og tryggja sér húfu. Fyrstir koma fyrstir fá!

Frábær árangur Reykjavíkurmaraþoninu

Eftir | Fréttir

Göngum saman fékk 1.822.163 kr í áheit og var í 8. sæti af 148 góðgerðafélögum en þetta kom fram í áheitaskýrslunni sem afhent var í Íslandsbanka í gær. Frábær árangur og við þökkum enn og aftur öllum þátttakendum og þeim sem hétu á þá.

Johan Rönning hf styrkir Göngum saman um eina milljón

Eftir | Fréttir

Í dag, á styrkveitingardegi Göngum saman, ákvað stjórn Johan Rönning hf að veita Göngum saman eina milljón króna í styrktarsjóð félagsins í tilefni af 80 ára afmæli fyrirtækisins.

Göngum saman þakkar innilega fyrir þessa höfðinglegu gjöf.

Þess má geta að Johan Rönning hf veitti félaginu einngi einnar milljón króna styrk en  fyrir fimm árum í tilefni af 75 ára afmæli fyrirtækisins.

Styrkveiting – 8 milljónir veittar í styrki á brjóstakrabba

Eftir | Fréttir

Í dag 10. október 2013 veitti Göngum saman íslenskum rannsóknaraðilum á sviði grunnrannsókna á brjóstakrabbameini rannsóknarstyrki að fjárhæð kr. 8 milljónir króna. Með þessari styrkveitingu hefur Göngum saman úthlutað alls rúmum 40 milljónum króna til grunnrannsókna á brjóstakrabbameini á sex árum. Félagar úr Karlakórnum Fóstbræðrum undir stjórn Árna Harðarsonar glöddu viðstadda með söng sínum.

Styrkurinn í ár skiptist á milli sex aðila:

·         Anna Marzellíusardóttir. Leit að áhrifabreytingum í erfðaefni fjölskyldna með háa tíðni brjóstakrabbameins.

·         Birna Þorvaldsdóttir. Hefur telomer-lengd í blóði forspárgildi um brjóstakrabbameinsáhættu hjá BRCA2 arfberum?   

·         Edda Sigríður Freysteinsdóttir. Leit að brjóstakrabbameinsgenum í fjölskyldum án BRCA1/2 tengsla.     

·         Inga Reynisdóttir: Leit að samrunagenum í brjóstaæxlum sem bera mögnuð litningasvæði.   

Laufey Tryggvadóttir. Áhrif meðferðar og æxliseiginleika á horfur brjóstakrabbameinssjúklinga með BRCA2 stökkbreytingar.  (Kristín Alexíusdóttir tók við styrknum fyrir hönd Laufeyjar).

·         Sigríður Þóra Reynisdóttir. miRNA tjáning í BRCA2-tengdu brjóstakrabbameini.

Hátt í 50 konur mættu í prjónakaffi!

Eftir | Fréttir

Frábær stemning var í Hannesarholti s.l. miðvikudag þar sem hátt í 50 konur á öllum aldri mættu og prjónuðu saman fjallkonubrjóst! Næsta miðvikudag höldum við áfram. Húfurnar verða síðan seldar til styrktar Göngum saman.