Fréttir

Styrktarganga Göngum saman fer fram á mörgum stöðum á landinu í dag. 

Nánari upplýsingar um göngustaði hér

 JÖR hefur hannað boli og buff sem verða seldir nk. fimmtudag milli 17 & 19 í verslun JÖR Laugavegi 89 og á mæðradaginn um allt land.

Allur ágóði mun renna til félagsins Göngum saman. Félagið hefur frá stofnun þess veitt um 50 milljónum króna til grunnrannsókna á brjóstakrabbameini. Göngum saman er grasrótarfélag þar sem allir gefa vinnu sína.

Kaffi & Baileys í boði & ljúfir tónar!

Hlökkum til að sjá sem flesta,
Göngum saman & JÖR by Guðmundur Jörundsson

Félagsmenn í Landssambandi bakarameistara, LABAK, efna til sölu á brjóstabollum í bakaríum um allt land um mæðradagshelgina, dagana 8.-10. maí. Bollusalan er til stuðnings styrktarfélaginu Göngum saman sem styrkir grunnrannsóknir á brjóstakrabbameini og úthlutar styrkjum í október ár hvert. Þetta er í fimmta sinn sem Landssamband bakarameistara styrkir Göngum saman með þessum hætti og hafa hingað til alls safnast hátt í fimm milljónum króna sem hafa runnið óskiptar til grunnrannsókna á brjóstakrabbameini.

Eftirtalin bakarí selja brjóstabollur um mæðradagshelgina:

Almar bakari

Hveragerði, Selfossi og Þorlákshöfn

Bakarameistarinn

Kópavogi og Reykjavík

Bakarinn

Ísafirði

Bakstur og veisla

Vestmannaeyjum

Bernhöftsbakarí

Reykjavík

Björnsbakarí

Seltjarnarnesi og Reykjavík

Brauðgerð Kr. Jónssonar & Co.

Akureyri

Brauðgerð Ólafsvíkur

Ólafsvík

Gamla Bakaríið

Ísafirði

Geirabakarí hf.

Borgarnesi

Guðnabakarí

Selfossi

Hjá Jóa Fel. Brauð og kökulist

Reykjavík, Kópvogi og Garðabæ

Hérastubbur

Grindavík

Kökuhornið/Lindabakarí ehf

Kópvogi

Kökuval

Hellu

Mosfellsbakarí

Mosfellsbæ og Reykjavík

Okkar bakarí

Garðabæ

Reynir bakari

Kópvogi

Sigurjónsbakarí

Reykjanesbæ

Sveinsbakarí

Reykjavík

Valgeirsbakarí

Reykjanesbæ

 

Hlín Reykdal hefur hannað dásamlegar perlufestar fyrir Göngum saman. Festarnar verða sýndar og seldar á gleðistund sem haldin verður á vinnustofu Hlínar Fiskislóð 75 í Reykjavík þriðjudaginn 21. apríl nk kl. 17 – 19.

Jóhanna Þórhallsdóttir söngkona mun gleðja gesti með söng.

Hlökkum til að sjá sem flesta

Styrktarganga Göngum saman um allt land á mæðradaginn 10. maí

Nánari upplýsingar þega nær dregur.

Aðalfundur Göngum saman verður haldinn mánudaginn 16. mars nk. kl. 20:00 í
sal Ráðgjafaþjónustu Krabbameinsfélags Íslands, Skógarhlíð 8, Reykjavík.

 
Dagskrá:

1. Stjórn félagsins gerir grein fyrir störfum félagsins.

2. Stjórn leggur fram endurskoðaða reikninga félagsins.

3. Kosning stjórnar og varastjórnar.

4. Kosning tveggja skoðunarmanna og tveggja til vara.

5. Ákvörðun árgjalds.

6. Önnur mál.

 
Félagar eru eindregið hvattir til að mæta á fundinn.

 

Göngum saman á Akureyri byrjar nýtt ár með því að hittast við menningarhúsið Hof. Gengið verður áfram á þriðjudögum og lagt af stað kl. 17:30. Frá Hofi eru margar góðar gönguleiðir. Munið eftir hálkuvörnum, endurskini og göngustöfum (gott að nota þá í hálku).

Fyrirtækið M-Design hefur látið framleiða glæsilegar beikar peysur og bleikar grifflur til styrktar Göngum Saman! Verkefnið er styrkt af Ístex, Glófa, Kötlu og M-Design! Vörurnar eru framleiddar í takmörkuðu upplagi og fást á www.cold.is, í Handprjónasambandi Íslands á Skólabörðustíg og hjá Göngum Saman (gongumsaman@gongumsaman.is)

Langatal, dagatal Göngum saman fyrir árið 2015 er komið.

Langatalið kostar kr. 2000 og verður til sölu í snyrtivöruversluninni Zebra Cosmetique, Laugavegi 62  og í Hannesarholti, Grundarstíg 9, Reykjavík.