Skip to main content
All Posts By

a8

Frábær ganga í dag – Takk fyrir þátttöku og stuðning

Eftir Fréttir

Styrktarganga Göngum saman fór fram á 14 stöðum á landinu í dag. Hátt á annað þúsund manns tók þátt á landsvísu og vel safnaðist í styrktarsjóðinn. Einnig var gengið á Tenerife og í Lucca á ítalíu.

Í Reykjavik fór gangan frá Háskólatorgi þar sem seldur var söluvarningur félagsins auk þess sem mikilfengleg hlutavelta sló í gegn og seldust miðarnir upp. Karlakórinn Fóstbræður tók lagið á Háskólatorgi og Skólahljómsveit Austurbæjar spilaði göngufólki til mikilllar ánægju, auk þess sem frænkurnar Nanna Hlíf Ingvadóttir og Kristín Valsdóttir þöndu nikkurnar fyrir göngufólk.

Göngum saman þakkar öllum sem tóku þátt innanlands sem untan innilega fyrir þátttökuna og stuðninginn.

Myndir frá nokkrum göngustöðum:

Reykjavík

Hveragerði

Hvammstangi

Siglufjörður

Neskaupsstaður

 

Ólafsfjörður

Höfn

Ísafjörður

Akureyri

Lucca, Ítalíu                                                                                    Tenerife

                       

Styrktargangan 14. maí kl. 11:00

Eftir Fréttir

Styrktarganga Göngum saman 2017 fer fram á mæðradaginn, sunnudaginn 14. maí n.k. Við stefnum að því að fá sem flesta með okkur en í ár fögnum við 10 ára afmæli félagsins.

Gengið verður á 14 stöðum um allt land; Borgarnes, Stykkishólmur, Patreksfjörður, Ísafjörður, Hvammstangi, Siglufjörður, Ólafsfjörður, Akureyri, Vopnafjörður, Neskaupsstaður, Reyðarfjörður, Höfn, Hveragerði og Reykjavík. Til viðbótar verður einnig gengið á Tenerife.

Nánari upplýsingar um göngustaði er að finna hér.

Hildur Yeoman hannar fyrir Göngum saman

Eftir Fréttir

Hildur Yeoman fatahönnuður hefur hannað hettupeysur, boli og taupoka í tilefni af 10 ára afmæli Göngum saman. Boðið var til fagnaðar í versluninni Yeoman, Skólavörðustíg í dag, fimmtudaginn 4. apríl. Vörurnar vöktu mikla hrifningu og seldust vel. Þær verða áfram seldar í búðinni og einnig í göngunni á mæðradaginn 14. maí nk.

Oddfellowstúkan Bergþóra veitir Göngum saman höfðinglegan st

Eftir Fréttir

Oddfellowstúkan Bergþóra, Líknarsjóður Kertasjóðs Soffíu J. Classen og Líknarsjóður Systra- og sjúkrasjóðs stúkunnar, veitti í gær Göngum saman einnar milljón króna styrk til stuðnings grunnrannsóknum á brjóstakrabbameini. Gunnhildur Óskarsdóttir formaður Göngum saman veitti styrknum viðtöku. Göngum saman þakkar innilega fyrir þennan höfðinglega styrk.

Á myndinni er Gunnhildur ásamt Höllu Bachmann Ólafsdóttur, yfirmeistara stúkunnar við afhendingu styrksins.

Omnom súkkulaðiverksmiðja styður Göngum saman með súkkulaðiþ

Eftir Fréttir

Omnom súkkulaði styður Göngum saman með súkkulaðiþrennu sérpakkaðri og merktri Göngum saman

Í tilefni af því verður súkkulaðipartý hjá Omnom, Hólmaslóð 4, 101 Reykjavík (úti á Granda) þriðjudaginn 4. apríl kl. 17 – 19

Göngum saman þakkar Omnom innilega fyrir þeirra frábæra styrk og hvetur fólk til að mæta í súkkulaðipartýið og styðja gott málefni.