All Posts By

a8

Frábær stemning!

Eftir Fréttir

Á mánudagskvöldið gengu 25 manns (23 konur og 2 karlar)  í Laugardalnum og á þriðjudagskvöldið gengu 24 konur í Kjarnaskógi. Frábær stemning var á báðum stöðum 🙂

 

 

Hressandi ganga í rigningu í Kjarnaskógi

Eftir Fréttir

Þrátt fyrir rigninguna á Akureyri í gærkvöldi mættu nítján hressar konur í Kjarnaskóg og gengu í ausandi rigningu. Það verður gengið frá sama stað í næstu viku, þriðjudag kl. 19:30 og allir hvattir til að mæta.

 

Gengu í góðu veðri í Laugardalnum í kvöld

Eftir Fréttir

Í kvöld gengu tæplega 40 manns um Laugardalinn undir tryggri stjórn Guðnýjar Aradóttur stafgönguþjálfara sem lét alla teygja vel á eftir. Veðrið lék við hópinn og það var ánægjulegt hve margir mættu í fyrstu gönguna sem auglýst var eftir opnun heimasíðunnar. Hvetjum alla til að mæta á sama stað, við Skautahöllina, næsta mánudag kl. 20.

Opnun heimasíðu Göngum saman

Eftir Fréttir

Í dag var heimasíðan opnuð formlega í húsnæði Ráðgjafarþjónustu Krabbameinsfélagsins í Skógarhlíð. Gunnhildur Óskarsdóttir formaður félagsins kynnti starf félagsins og fékk síðan börnin sem voru viðstödd til að opna síðuna með sér.

 

Reykjavíkurmaraþon Glitnis 23. ágúst – áheit

Eftir Fréttir

Reykjavíkurmaraþon Glitnis fer fram 23. ágúst n.k. Eins og fyrri ár geta þátttakendur safnað áheitum fyrir góðgerðar- og líknarfélög. Göngum saman er eitt þessara félaga og fólk er hvatt til að hlaupa eða ganga fyrir Göngum saman. Jafnframt eru allir hvattir til að heita á þá sem hlaupa fyrir Göngum saman. Sjá frekari upplýsingar um hvernig þetta virkar á heimasíðu Glitnis, sjá hér.

Tilkynnt hefur verið að Glitnir muni heita á starfsfólk og viðskiptavini sína. Styrktarfélag sem starfsmaður hleypur fyrir fær 1.000 krónur á hvern kílómetra og 300 krónur fyrir hvern kílómetra viðskiptavinar.

Á síðasta ári söfnuðust tæplega 1.500 þúsund í áheit fyrir Göngum saman.

 

Einnig gengið á Akureyri

Eftir Fréttir

Nokkrar áhugasamar konur á Akureyri hafa gengið til liðs við Göngum saman og ætla í sumar að hittast og ganga saman á þriðjudagskvöldum kl. 19:30 við þjónustuhúsið í Kjarnaskógi. Næsta ganga í Kjarnaskógi verður þriðjudaginn 24. júní. Allir velkomnir.

Ný heimasíða

Eftir Fréttir

Stjórn Göngum saman fékk Þór Snæ Sigurðsson til að hanna nýja heimasíðu félagsins sem verður formlega opnuð á kvenréttindadaginn 19. júní n.k. Heimasíðunni er ætlað að vera upplýsingarmiðill félagsins og þar verður hægt að fylgjast með starfsemi þess og því sem framundan er. Vefsíðufyrirtækið Allra Átta sér um vistun og hugbúnað fyrir heimasíðuna. Göngum saman þakkar Þór sem gaf vinnu sína við hönnunina og Allra Átta sem styrkir félagið rausnarlega með heimasíðugerðinni. Merki félagsins sem sjá má í efra horninu vinstra megin hannaði Sigurborg Stefánsdóttir myndlistakona, ein stofnfélaga Göngum saman.

Gengið á mánudögum í sumar

Eftir Fréttir

Í sumar verður gengið á mánudagskvöldum í stað miðvikudaga eins og hefur verið síðasta árið. Hittumst klukkan 20 á breytilegum stöðum á  höfuðborgarsvæðinu. Fylgist með á heimasíðunni því tilkynnt er á henni með nokkurra daga fyrirvara hvar eigi að hittast.

 

 

Nýir félagar velkomnir

Eftir Fréttir

Á fyrsta aðalfundi félagsins 12. mars 2008 var samþykkt að opna styrktarfélagið Göngum saman fyrir nýjum félögum. Allir velkomnir að ganga í félagið. Árgjaldið er 3 þúsund krónur.