a8

Nú eru rúmlega sex þúsund hlauparar skráðir til þátttöku i Reykjavíkurmaraþoninu 20. ágúst. Ef þú ert ekki þegar búin(n) að skrá þig og þína hvetjum við þig til að gera það sem fyrst og fá lægra þátttökugjald. Næsta hækkun á gjaldi verður á miðnætti sunnudaginn 3.júlí. Við hvetjum félaga og velunnendur Göngum saman að taka þátt fyrir félagið.

Landssamband bakarameistara, LABAK, hefur undanfarin 6 ár efnt til sölu á brjóstabollum á mæðradaginn til stuðnings Göngum saman. Að þessu sinni söfnuðu félagsmenn LABAK einni milljón króna. Jón Albert Kristinsson, formaður LABAK, afhenti Gunnhildi Óskarsdóttur, formanni Göngum saman það sem safnaðist við upphaf vikulegrar hressingargöngu Göngum saman við Perluna s.l. mánudag.

Alls hefur LABAK safnað um átta milljónum króna með þessu verkefni á síðastliðnum sex árum.  Göngum saman þakkar LABAK fyrir samstarfið og þeirra ómetanlega framlag í styrktarsjóðinn.

Á myndinni eru Jón Albert Kristinsson, formaður LABAK, Gunnhildur Óskarsdóttir, formaður Göngum saman við afhendngu styrksins s.l. mánudag áður en lagt var af stað í göngu.

Göngunni flýtt vegna landsleiksins í fótbolta. Gengið frá Perlunni kl. 17:30

Síðasta ganga fyrir sumarfrí. Landsamband bakarameistara veita styrk vegna brjóstabollunnar í upphafi göngu.

Allir velkomnir

Göngum saman auglýsir eftir umsóknum um styrki til grunnrannsókna á brjósta-krabbameini.  Áætlað er að veita allt að 10 milljónum í styrki á árinu 2016.

Vísindamenn og nemendur í rannsóknatengdu framhaldsnámi (meistara- eða doktorsnámi) við háskóla og rannsóknastofnanir geta sótt um styrk.

Skilyrði er að verkefnið flokkist sem grunnrannsóknir á brjóstakrabbameini. Ekki er veittur styrkur til tækjakaupa

 Umsóknum skal skilað á sérstöku umsóknareyðublaði sjá hér:  auglysing_styrkur_2016.doc fyrir 5. september nk. á netfangið styrkir@gongumsaman.is merkt -Styrkumsókn 2016

Styrkurinn verður veittur í október, en októbermánuður er helgaður baráttunni gegn brjóstakrabbameini.

Sjá einnig auglýsingu: gs_styrkumsokn_2016.doc

Styrktarganga Göngum saman fór fram á 16 stöðum á landinu í dag. Hátt á annað þúsund manns tók þátt á landsvísu og vel safnaðist í styrktarsjóðinn.

Í Reykjavik gekk Skólahljómsveit Austurbæjar í fararbroddi göngufólki til mikilllar ánægju.

Göngum saman þakkar öllum sem tóku þátt innilega fyrir stuðninginn.

Myndir úr göngunni í Reykjavík

Félagsmenn í Landssambandi bakarameistara, LABAK, efna til sölu á brjóstabollum í bakaríum um allt land um mæðradagshelgina, dagana 6.-8. maí. Bollusalan er til stuðnings Göngum saman. Sala á brjóstabollum, til styrktar Göngum saman er orðinn árviss viðburður í bakaríum um mæðradagshelgina.

Brjóstabollan í ár er gómsæt rjómabolla með berjafyllingu. Í tilefni verkefnisins verða búðir félagsmanna skreyttar með bleikum blöðrum og veggspjöldum um mæðradagshelgina.
Fyrirtæki og stofnanir eru hvött til að bjóða starfsmönnum upp á bollur með kaffinu á föstudag og einstaklingar eru hvattir til að taka þátt í mæðradagsgöngum og gæða sér á brjóstabollum um helgina. 

Eftirtalin bakarí selja brjóstabollur um mæðradagshelgina:
Bakarameistarinn, Austurveri, Glæsibæ, Húsgagnahöllinni, Mjódd og Suðurveri Reykjavík og  Smáratorgi, Kópavogi.
Bakarinn, Ísafirði
Björnsbakarí, Austurströnd, Dalbraut, Fálkagötu, Hringbraut og Lönguhlíð Reykjavík
Brauðgerð Kr. Jónssonar & Co. Akureyri
Geirabakarí, Borgarnesi
Guðnabakarí, Selfossi
Hjá Jóa Fel. Garðatorgi, Garðabæ, Holtavegi, JL húsinu og Kringlunni Reykjavík og Smáralind, Kópavogi
Okkar bakarí, Iðnbúð og Strikinu Garðabæ
Vort daglegt brauð, Strandgötu, Hafnarfirði
Kökuhornið, Bæjarlind, Kópavogi
Mosfellsbakarí, Háleitisbraut, Reykjavík og Mosfellsbæ
Reynir bakari, Dalvegi og Hamraborg, Kópavogi

Gengið á 16 stöðum á landinu. Lagt verður af stað kl. 11 f.h.

Hér má sjá staðina.

Vettlingarnir frá Farmers Market voru frumsýndir og seldir í búðinni þeirra að Hólmaslóð í gær. Margir lögðu leið sína í búðina og tryggðu sér eintak. Vettlingarnir eru dásamlega fallegir og hlýir. Þeir eru úr íslenskri ull og framleiddir á Íslandi.Tilvalin sumargjöf og eitthvað sem allir þurfa allt árið um kring. Vettlingarnir verða seldir í Farmers Market, Hólmaslóð 2, Reykjavík, í Aurum, Bankastæri og í mæðradagsgöngum Göngum saman um allt land 8. maí nk.

Farmers Market hafa hannað dásamlega fallega vettlinga fyrir Göngum saman. Vettlingarnir verða frumsýndir og seldir í verslun Farmers Market á Hólmaslóð 2, 101 Reykjavík (úti á Granda) mánudaginn 18. apríl kl. 17 – 19. Þeir verða áfram seldir í versluninni og einnig í Aurum Bankastræti og í mæðradagsgöngu Göngum saman 8. maí nk.