a8

Styrktarganga Göngum saman verður á Ísafirði næstkomandi sunnudag, 7.
september.
Gengið verður frá Bónusplaninu kl. 14. Þátttökugjald er 3000 kr. sem rennur
beint til rannsókna á brjóstakrabbameini. Frítt er fyrir börn, 12 ára og
yngri. Boðið verður upp á hressingu að göngu lokinni. Það eru
Krabbameinsfélagið Sigurvon og Heilsuefling í Ísafjarðarbæ sem standa fyrir
göngunni hér á Ísafirði.
Íbúar á Ísafirði og nágrenni eru hvattir til að mæta og ganga saman í
skemmtilegum félagsskap og stykja um leið rannasóknir á brjóstakrabbameini.

Fyrirtækið Johan Rönning hefur ákveðið að veita Göngum saman eina milljón króna í styrktasjóðinn félagsins í tilefni af 75 ára afmæli fyrirtækisins.

Göngum saman þakkar höfðinglega gjöf.

Hólmfríður Hafliðadóttir 9 ára og vinkonur hennar í Laugarneshverfinu voru með tombólu öðru sinni til styrktar Göngum saman, nú á markaðinum í Laugarnesi s.l. sunnudag. Einnig seldu þær armbönd fyrir félagið. Alls söfnuðu þær 13.100 krónum. Stelpurnar eiga heiður skilinn fyrir þetta frábæra framtak.

Á Akureyri hefur hópur gengið vikulega í allt sumar og eins og myndirnar í myndaalbúminu annars staðar á heimasíðunni sýna þá er oft gaman hjá þeim. Gengið er frá þjónustumiðstöðinni í Kjarnaskógi kl. 19:30 alla þriðjudaga. Akureyrardeildin er nú á fullu að undirbúa styrktargönguna sem verður í Kjarnaskógi sunnudaginn 7. september.

Avon umboðið á Íslandi færði Göngum saman armbönd með bleiku slaufunni til að selja og fer allur ágóðinn í styrktarsjóð félagsins. Viðtökur hafa verið frábærar. Göngum saman þakkar stuðninginn.

Það var mikil stemming í maraþoninu í gær og Göngum saman þakkar öllum þeim sem hlupu fyrir félagið. Samkvæmt skráningum hlupu (eða gengu!) 132 einstaklingar fyrir Göngum saman og lögðu með því sitt að mörkum til að styðja við grunnrannsóknir á krabbameini í brjóstum. Það er mikil hvatning og gleði að fá allan þennan stuðning. Hópur fólks á vegum Göngum saman kom saman á horni Ægissíðu og Lynghaga og hvatti þátttakendur til dáða. Tvær konur hlupu heilt maraþon fyrir félagið og önnur þeirra, Sigrún K. Barkardóttir náði þriðja besta tíma íslenskra kvenna í hlaupinu. Við óskum Sigrúnu til hamingju með þennan frábæra árangur.

                                        Hluti hvvatningarhóps Göngum saman við Ægissíðuna

Þrjár ungar stúlkur héldu tombólu til styrktar Göngum saman fyrir utan heimili einnar þeirrar í Hofteignum, 12. ágúst s.l. Stúlkurnar heita Ingibjörg Ósk, Gígja og Hólmfríður. Stelpurnar söfnuðu  tæplega 12 þúsund krónum sem þær afhentu í styrktarsjóð Göngum saman. Við þökkum þeim kærlega fyrir.

Á myndunum sjást talið frá vinstri Ingibjörg Ósk, Gígja og Hólmfríður í Göngum saman bolum að selja

hluti á tombólunni sinni.

Umsóknarfrestur í styrktarsjóð Göngum saman rann út 10. ágúst s.l. og bárust 10 umsóknir.  Vísindanefnd félagsins með aðstoð ráðgjafa mun nú fara yfir umsóknirnar og velja styrkþega ársins 2008. Úthlutun styrkja fer fram á alþjóðlegum degi brjóstakrabbameins í október n.k. og er þetta í annað sinn sem styrkir eru veittir úr sjóðnum.

Bolir með merki Göngum saman eru komnir í sölu og renna út, enda flottir! Bolur með kvensniði (aðsniðinn) kostar kr. 2.500 (S, M, L og XL) og bolur með ‘almennu sniði’ (beinn) kostar kr. 2.000 (S, M, L, XL og XXL).

Bolina er hægt að panta á netfanginu gongumsaman@gongumsaman.is eða í vikulegu göngunum í Reykjavík, Akureyri og Borgarnesi.

Allur ágóði af sölu bolanna rennur beint í styrktarsjóð Göngum saman.

Hægt er að ná í auglýsingu og teikningu af bolunum í meðfylgjandi skjali:

Gongumsaman-bolir.pdf

 Í Borgarbyggð hafa um 50 konur skráð sig í gönguhóp sem gengur í Borgarnesi á mánudögum. Gengið er frá Íþróttamiðstöðinni í Borgarnesi kl. 20:00 á mánudagskvöldum undir stjórn Guðrúnar Daníelsdóttur. Hópurinn stefnir að því að ganga í styrktargöngu Göngum saman í Elliðaárdalnum 7. september n.k. 🙂